Погбагийн гэмтлийн онош тодорчээ
2019-10-11 10:18
“Манчестер Юнайтед” багийн хагас хамгаалагч Поль Погба ямар гэмтэл авсан нь тодорхой болжээ.

Франц залуугийн хөлийн хурууны яс цуурсан байна. Погба долоо хоног тухайн хөлөөрөө алхах зэрэг ямар нэгэн үйлдэл хийлгүй дэглэм барих ёстой бөгөөд үүний дараа 2-3 долоо хоног сэргээн засах эмчилгээ хийлгэх гэнэ. 

Багийн удирдлага болон тоглогч өөрөө мэс засал хийлгэлгүйгээр эдгэрэхийг зорьж байгаа аж.

Лигийн цомын тэмцээнд “Рочдейл” багтай тоглож байхдаа тэрбээр анх гэмтсэн. Үзлэгээр бичил цууралт авсан нь тодорхой болсон ч “Арсенал”-тай хийсэн тоглолтод багийнхаа эмч нарын зөвшөөрлөөр тоглож гэмтлээ үгдрүүлсэн байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна