“Талийгч” оршуулгынхаа дараахан гэртээ иржээ
2019-10-12 09:44
Индонезийн Зүүн Ява мужийн оршин суугч өөрийг нь "нутаглуулсны" дараа төрөлх гэртээ ирсэн байна.

Мотоцикл хөлөглөсөн ямар ч бичиг баримтгүй хүн зам тээврийн осолд орсноос хамаг будлиан манджээ. Аймшигт ослын улмаас танихын эцэсгүй болтлоо зэрэмдэглэгдсэн цогцсыг хэн болохыг олж тогтооход хүндрэлтэй байсан тул цагдаагийн алба хаагчид мотоциклийн улсын дугаараар хохирогчийг хэн болохыг олж мэдэх “мэргэн арга” сэдсэн байна. Хоёр дугуйт 40 настай барилгачин Сунарто (Sunarto)-гийн нэр дээр бүртгэлтэй байж. Ингээд л цогцсыг Сунартогийн гэр бүлийнхэнд хүлээлгэн өгсөн байна.

Харин талийгчийг нутаглуулсны дараа долоон цагийн дараа Сунарто гэртээ иржээ. “Талийгч” өөрийнхөө үхлийн тухай ажлынхнаасаа сонсоод төрөлх гэртээ яаран ирсэн нь тэр байж. Барилгачин залуу гурван сарын өмнө Вариим (Wariim) гэгч найзаасаа мөнгө зээлээд барьцаанд нь мотоциклээ үлдээсэн аж. Ингэж л хэргийн ээдрээ тайлагдаж, хэн осолд орсон нь тодорхой болжээ.

Вариимын гэр бүлийнхэн хэрэг явдлын тухай олж мэдээд цогцсыг дахин оршуулах зан үйл хийж, талийгчийн ясыг өндөлзүүлэхийг хүсээгүй тул шарилын чулууны нэрийг л сольсон гэнэ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна