Түүхий нүүрс нийслэл рүү оруулахыг завджээ
2019-10-14 14:32
Улаанбаатар хот руу түүхий нүүрс оруулахыг хориглосон Засгийн газрын шийдвэр өнгөрсөн тавдугаар сарын 15-аас хэрэгжиж байгаа билээ. Гэтэл тус шийдвэрийг зөрчих тохиолдол сүүлийн үед цөөнгүй гарах болжээ.

Тухайлбал, аравдугаар сарын 12-нд суудлын автомашинд 10 шуудай нүүрс тээвэрлэж явсныг нийслэлийн Мэргэжлийн хяналтын байцаагчид илрүүлсэн байна. Мөн өчигдөр 13 шуудай нүүрсийг Улаанбаатарт оруулахыг завдсан зөрчлийг илрүүлж, нүүрсийг буцаажээ. Энэ мэтчилэн түүхий нүүрс нийслэл рүү нэвтрүүлэх оролдлого нэмэгдэж байгааг албаныхан анхааруулж байна.

Зөрчлийн тухай хуулиар нийслэлд түүхий нүүрс оруулсан тохиолдолд иргэнийг 300 мянга, аж ахуйн нэгжийг гурван сая төгрөгөөр торгох юм.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • САЙН БАЙНА
    САЙН АЖИЛЛАЖ БАЙНА
    2019 оны 10 сарын 15 | Хариулах