Хайрга ачсан машиныг хот руу өдрийн цагаар л нэвтрүүлнэ
2019-10-15 09:52
Нийслэлийн Засаг даргын 2019 оны аравдугаар сарын 01-ний А/1034 тоот ’’Авто зам, замын байгууламжид даацын болон цагийн хязгаарлалт тогтоох тухай захирамжийн дагуу Хан-Уул дүүрэг дэх Мэргэжлийн хяналтын хэлтсийн удирдлага, тус дүүргийн ЗДТГ-ын Тохижилт нийтийн аж ахуйн хэлтэс хамтран 2019 оны аравдугаар сарын 11-ний өдөр тус захирамжийн хэрэгжилт болон Монгол Улсын Засгийн газрын 2018 оны “Түүхий нүүрс хэрэглэхийг хориглох тухай” 62 дугаар тогтоол, Байгаль орчин, аялал жуулчлалын сайд, Нийслэлийн Засаг дарга бөгөөд Улаанбаатар хотын Захирагчийн 2019 оны A/433-A/820 дугаартай хамтарсан тушаал, захирамжийн биелэлтэд, Өлзийт, Таван толгой, Морингийн давааны авто тээврийн шалган нэвтрүүлэх товчоодод хяналт тавин ажилласан байна.

Энэ өдрийн байдлаар авто тээврийн шалган нэвтрүүлэх товчоодоор түүхий нүүрс тээвэрлэгдээгүй, тарвага болон хууль бус байгалийн дагалдах баялаг нэвтэрсэн зөрчил дутагдалгүй, товчоодын хяналт шалгалт хэвийн явагдаж байна.

Нийслэлийн Засаг дарга бөгөөд Улаанбаатар хотын Захирагчийн А/1034 тоот ’Авто зам, замын байгууламжид даацын болон цагийн хязгаарлалт тогтоох тухай захирамжийг хэрэгжүүлж хайрга ачсан машинуудыг оройн цагаар явуулахгүй байхыг анхааруулж, товчоодод гарч буй байцаагч, төрийн байгууллагын ажилтнуудад зөвлөгөө өгч, АТШНТовчоодын үйл ажиллагаанд хяналт тавьж ажиллалаа. 

Мөн Хан-Уул дүүрэг Нисэхийн тойргоос Биокомбинат, Шувуун фабрик хүртэлх замд хайрга ачсан том тэрэгний ачааг стандартад заасны дагуу хязгаарлаж, хот руу орох тээвэрлэлтийн хугацааг 08:00-22: 00 цаг байхаар мөрдүүлж ажиллаж байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна