Өөрийгөө гэмтээсэн бүтэлгүй хулгайч “од” боллоо
2019-10-15 10:36
Хулгайч автомашины цонхыг тоосгоор хагалах гээд өөрийгөө гэмтээсэн марзан хэрэг Английн Дарем гүнлэгийн Брэндон тосгонд хэд хоногийн өмнө гарчээ.

Тус тосгоны оршин суугч Мартин Крейг (Martin Craig) байрныхаа гаднах хяналтын камерын бичлэгийг ухраан үзэж байгаад нэгэн этгээд машиных нь цонхыг хагалах гэж шидээд буцаж ойсон тоосгонд нүүрээ гэмтээж буйг үзээд элэг нь хөшихөө шахсан байна. Автомашины эзэн бичлэгийг фэйсбүүк хуудсандаа оруулсан бөгөөд бүтэлгүй хулгайч түмэн олны элэг доог болж байгаа гэнэ.

Автомашинд нь хэдэн зурааснаас өөр сүртэй хохирол учраагүй байна.

“Яагаад намайг “онилсныг” ойлгохгүй байна. Магадгүй хөгжлийн бэрхшээлтэйг минь мэдээд дээрэлхэж болно гэж бодсон юм болов уу? Гэхдээ л намайг хөгжөөсөн шүү. Шийтгэлээ хангалттай амссан байх гэж бодож байна” хэмээн Мартин сэтгүүлчдэд ярьжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна