Том оврын автобус шатжээ
2019-10-15 10:56
Ховд аймгийн Булган сумын Алаг толгой багийн Гүн зуух гэдэг газар 35 зорчигчтой том оврын автобус аравдугаар сарын 14-ний орой шатжээ. 

“Ярант” олон улсын боомтоос тус аймгийн Булган сумын чиглэлд явж байсан “Байшинт Ямаан-Ус” ХХК-ийн “Дэү” загварын том оврын автобус шатаж байна гэсэн дуудлагыг аравдугаар сарын 14-ний өдрийн 19:30 цагт хүлээн авсан тус аймгийн Онцгой байдлын газрын Булган сум дахь Онцгой байдлын хэлтсийн Гал түймэр унтраах, аврах 38 дугаар ангийн алба хаагчид 26 км замыг туулан 19:56 цагт очиж, галыг унтраасан байна. 

Мөн  “Байшинт Ямаан-Ус” компаниас өөр автобус гаргуулан зорчигчдыг Булган суманд хүргүүлэх арга хэмжээг авчээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна