“Хаан” Жэймс “шатаж байна”
2019-10-16 10:57
Хонгконгийн жагсагчид “Лос Анжелес Лейкерс” багийн од, Леброн Жэймсийн өмсгөлийг шатаажээ.

Шуугиантай үйл явдлын талаар барагтай ам нээдэггүй Жэймс “Хьюстон Рокетс”-ийн ерөнхий менежер Дэрил Моригийн Хонгконгийн жагсагчдыг дэмжсэн “алдарт” жиргээнд тайлбар хийсэн байна. Тэрбээр Мори жиргээгээ ийм шуугиан тарина гэж бодоогүй байх гэжээ.

“Бид жиргээнд юу хийх, бичих, ярихаа сайтар бодож, болгоомжтой байх хэрэгтэй. Тийм ээ, бид үг хэлэх эрх чөлөөтэй ч таны болгоомжгүй хэлсэн үгс сөрөг үр дагавар авчирч болзошгүйг бодолцох хэрэгтэй” хэмээн Жэймс бичсэн байна.

Түүний энэ үгс жагсагчдын дургүйг ихэд хүргэжээ. Тэд лигийн дөрвөн удаагийн хамгийн үнэ цэнэтэй тоглогчийн өмсгөлийг шатаан зураг руу нь шидэлсэн байна.

Сануулахад, Дэрил Мори аравдугаар сарын 4-нд “Эрх чөлөөнийхөө төлөө тэмц. Хонгконгтой хамтдаа” гэж жиргээд удалгүй устгасан ч түүний твит нь хэдийнэ анхаарлын төвд орчихсон билээ.

Энэхүү жиргээ болон түүний үг хэлэх эрх чөлөөг дэмжсэн ҮСБХ-ны байр сууринд хятадын засаг захиргаа ихэд эгдүүцэж асуудал өндрийг аваад байгаа бөгөөд ҮСБХ хятадын зах зээлээс олох байсан дөрвөн тэрбум долларын орлогоо алдах дээрээ тулаад байгаа юм.


Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • *****
    guilgachin hujaanuud hezee iim bailaadaa
    2019 оны 10 сарын 16 | Хариулах
  • ХАонгил
    Норовын Алтанхуягын Хаан Жимс амралт шатаж байна гэж ойлголоо хаха
    2019 оны 10 сарын 16 | Хариулах