О.Баасанхүү гишүүн Хууль зүйн сайдыг ”чимхэв”
2019-10-17 14:27
Францын нийслэл Парис хотод болж буй ФАТФ-ын жилийн хурлын албан ёсны шийдвэр хараахан гараагүй байна. Албан ёсны мэдээлэл маргааш гарахаар товлогдсон. 

Монголбанкны дэд ерөнхийлөгч Б.Лхагвасүрэн өчигдөр /2019.10.16/ “Монгол Улс хийсэн ажлаараа ФАТФ-ын саарал жагсаалтад орохооргүй байгаа” хэмээн мэдэгдсэн билээ.

"Банкууд өөрийн хөрөнгөө олон тэрбум төгрөгөөр нэмсэн. Гэтэл тэрхүү нэмэлт эх үүсвэрийг чухам хаанаас хэрхэн хангасан талаарх шалгалтыг Олон улсын валютын сангаас явуулж, энэ асуудалтай холбогдуулан Төв банкнаас хуулийн дүгнэлт тайлбар гаргаж өгөхийг хүсжээ. Энэ нь манай улсад хэрэгжүүлж буй, ОУВС-ийн Өргөтгөсөн санхүүжилтийн хөтөлбөрийн хүрээнд хийж буй ажил юм. Түүнээс ФАТФ болон мөнгө угаах, терроризмтой тэмцэх ажиллагаатай ямар ч холбоогүй" гэж Төв банкны удирдлагууд тайлбарлав.  

Гэхдээ зарим улс төрч, эдийн засагчдын ярьж байгаагаар манай улс саарал жагсаалтад хэдийнэ орчихсон гэдэг мэдээлэл юм. Харин улсаа саарал жагсаалтад оруулахад хэн, юу нөлөөлсөн гэдэгт хариулт өгөх эзэн олдохгүй бүгд өөрсдөөсөө бурууг түлхэж байгаа.

Энэ талаар УИХ-ын гишүүн О.Баасанхүү дараах байр суурийг илэрхийлж, өөрийн цахим хуудаснаа нийтэлжээ. 

Тэрбээр “Бид 2011-2014 онд саарал жагсаалтад орж байсан. Тэр үед доллар яаж өссөн билээ. Одоо бид саарал жагсаалтанд орвол доллар яаж өсөхийг бид таашгүй. 20 жил хууль зүйн сайд хийсэн хүн Монголоо дахиад л хорлов. Арай Улсаа хорлуулах гэж дахин дахин хууль зүйн сайд болгодог юм биш биз” хэмээжээ.


Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна