Ажилтан руугаа арслангаа турхирчээ
2019-10-17 15:05

Нэгэн “бүдүүн дарга” цалин мөнгөө нэхэж ирсэн цахилгаанч руу тэжээвэр арслангаа турхирсан хэрэг Пакистаны Пенжаб мужид гарчээ.

Лалын шашны сүмийн харгалзагч Али Раза (Ali Raza) цахилгаанчин Мохаммад Рафик (Mohammad Rafique)-ийг хөлсөлж ажиллуулсан ч ажлын хөлсийг нь өгөлгүй унжиж, хэд хэдэн удаа хугацаа зааж хойшлуулсан байна.

Мөнгөө авахаар Рафикийг ээлжит удаагаа очиход Раза тэжээвэр арслангаа цахилгаанч руу тавьжээ. Хөөрхий залуугийн орь дууг сонссон хүмүүс ирж араатны савраас аварсан байна. Толгой, гарандаа хүнд гэмтэл авсан Рафик эмчилгээний мөнгийг цалинтай нь хамт өгнө гэсэн залхай этгээдийн хуурамч амлалтад нь хууртагдан цагдаад гомдол гаргаагүй өнгөрсөн аж.

Гэвч мөнгөний бараа харалгүй сар өнгөрсний эцэст гэнэн залуу цагдаад хандсан байна. Шашны зүтгэлтэнд хүний амь насанд халдсан гэх зүйл ангиар эрүүгийн хэрэг үүсгэжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна