Багшдаа хандраад хичээлээс хөөгдөв
2019-10-18 08:56
Биеийн тамирын багш эмэгтэйг тэвэрсэн 12 настай сурагч хөвгүүнийг сургуульдаа ирэхийг нь хориглосон шийдвэрийг АНУ-ын Массачусетс мужийн Вустер хотын нэгэн сургууль гаргажээ.

Долоодугаар ангид сурдаг түүнийг багшдаа бэлгийн дарамт үзүүлсэн хэмээн арав хоног хичээлээс нь чөлөөлсөн байна.

“Багшийгаа илж таалсан гэж надад мэдэгдсэн. Би цочирдолд ороод, болсон үйл явдлын талаар бүгдийг мэдэхийг хүссэн. Харин тэгтэл, биеийн тамирын багшийгаа тэвэрсэн гэдгийг хэлсэн” хэмээн хөвгүүний эх Жули Ороско (Julie Orozco) ярив.

“Сайн эр”-ийг ангийнхантайгаа сургуулийнхаа зааланд сахилгагүйтэж байхад нь багш нь вандан дээр суухыг хүссэн байна.

“Тэгэхээр нь би багшид дөхөж очоод “намайг битгий шийтгээч” гэж хэлээд түүнийг тэвэрсэн. Арзганамаар санагдсан юм. Би түүнийг зүгээр л тэвэрсэн шүү дээ”” гэж хөвгүүн ярьжээ. 

Хүүг дараагийн хичээлийн дундуур сургуулийн захирал дуудсан байна. 

“Багш бүсгүйд өөрийгөө тэвэрч, оролдохыг зөвшөөр гэж байгаа юм биш л дээ. Гэхдээ би түүнийг сурагчдадаа харилцааны хил хязгаарын тухай ойлгомжтой тайлбарлаж өгөөсэй хэмээн хүсч байна” гэж сахилгагүй “этгээд”-ийн хүүгээ өмөөрсөн байна..
Хэд хэдэн удаа утсаар ярилцаж, цахим шуудангаар захидал шидэлцсэний эцэст шийтгэлийг зөөлрүүлж, хөвгүүнийг дөрөв өдрийн хичээлээс чөлөөлж, болсон хэрэг явдлын талаар сурагчийн хувийн хэрэгт тэмдэглэл хийхийг түдгэлзсэн байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна