Женнифер Лоуренс, Кук Марони хоёр маргааш ”зад авна”
2019-10-18 10:02
Сарын өмнө Холливүүдийн од, 29 настай жүжигчин бүсгүй Женнифер Лоуренс, түүний сүйт хархүү Күк Марони нар Нью-Йорк хотын шүүхийн танхимд гэрлэлтээ нууцаар бүртгүүлсэн билээ. Харин энэ амралтын өдрүүдэд залуус өөрсдийн найз нөхөд, гэр бүлийнхнийхээ хүрээнд нижгэр хурим хийх гэж байгаа гэнэ.

Оддын урилгаар хурим, найр, элдэв баяр ёслолын арга хэмжээнүүдийг зохион байгуулдгаараа зартай эвент-менежер Марк Сид зохион байгуулж байгаа энэхүү хуримын ёслол Род-Айленд дахь тансаг эдлэнд маргааш болох аж.

Сануулахад, Женнифер, Күк хоёрыг жиг ургуулсан тухай мэдээлэл анх ноднин жилийн зунаас гарах болсон билээ. Тэдний дундын танил Лора Симпсон залуусыг анх танилцуулсан бөгөөд тэд харилцаагаа удаан хугацаанд нууж чадсан юм. 2018 оны аравдугаар сард “The Favourite” киноны нээлтийн ёслолд анх хамтдаа ирж, олны нүдийг хужирлаж, чихийг дэлдийлгэсэн билээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна