З.Баянсэлэнгийг цагдан хорьжээ
2019-10-22 09:54
Барилга хот байгуулалтын сайд асан Б.Баянсэлэнгийг өчигдөр орой цагдан хорьжээ.

Өчигдөр Сонгинохайрхан дүүргийн Эрүүгийн хэргийн анхан шатны шүүхэд Барилга хот байгуулалтын сайд асан З.Баянсэлэнгэ, М.Болортуяа нарт холбогдох хэргийг шүүх хурал болох байсан ч тэрбээр шүүх бүрэлдэхүүнээс татгалзсанаар хойшилсон юм. Үүнтэй холбогдуулан түүнийг шүүхийн байгууллагад хүндрэл учруулсан хэмээн үзэж, цагдан хорих, таслан сэргийлэх арга хэмжээ авсан байна. 

Түүнийг нэг сарын хугацаатай буюу арваннэгдүгээр сарын 21-нийг хүртэл цагдан хорихоор болжээ.

Хэргийг сануулбал, З.Баянсэлэнгийг Барилга, хот байгуулалтын сайдаар ажиллаж байхдаа албан тушаалын байдлаа урвуулан ашиглаж "Бэрэн групп" ХХК-ийн барьсан "Хангай" хотхоны орон сууцнаас 123 айлын орон сууцыг тендер зарлалгүйгээр худалдан авч, улсын төсөвт 972.4 сая төгрөгийн хохирол учруулсан байж болзошгүй гэх хэргийг хуулийн байгууллагаас гурван жил гаруйн хугацаанд шалгагдаж байгаа юм.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй