Орчин цагийн “Алтан загасны үлгэр”
2019-10-23 10:04
Далайд гээсэн хуримын бөгжийг эзэнд нь загас “буцааж өгсөн” үл итгэм хэрэг явдал Их Британийн Корнуолл гүнлэгийн Пензанс хотод гарчээ.

Тус хотын оршин суугч 44 настай Дэн Левин (Dan Levine) аравдугаар сарын 19-нд Баттери Рокс (Battery Rocks) гэдэг хадан хясааны орчимд далайн усанд сэлэх үедээ хуримын бөгжөө гээсэн байна.

“Усанд шумбах юм уу, загасчлах үеэрээ бөгжийг маань харж л байхыг нутгийнхнаасаа хүссэн постыг Фэйсбүүкд оруулсан. Гэхдээ бөгжнийхөө барааг дахин харна гэсэн ямар ч итгэл байгаагүй. Хамгийн гол нь миний эхнэр Уна тэрхүү бэлзэгний загварыг гаргасан болохоор бид хоёр сэтгэлээр жаахан унасан. Бид хуримлаад 13 жилийн нүүр үзэж байгаа юм” хэмээн Дэн сэтгүүлчдэд хуучилжээ.

Харин хэрэг явдлын маргааш нь гэр бүлийн хос Гари, Эмма Спайрс (Gary and Emma Spires) далайн эргээр зугаалж яваад нэгэн сонин дуу чимээ гарахыг сонсчээ. Далайгаас эрэгт шидэгдсэн жижигхэн хар загас хайрган дээр тийчигнэж байж. 

“Гари загасыг усанд эргүүлэн тавих гээд доош суутал далайн ёроолд гялалзах бөгжийг олж харсан. Хэрвээ тэр загас байгаагүй бол бид бөгжийг анзаарч харахгүй өнгөрөх байсан” гэж Эмма ярьсан байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • atlanta
    bi dalaid selj baigaad shortnii karmand baisan mashinii tulxuuree aldaa d buur sanaa zovood yaj gerluugee ter xol yvnaa geed bodood yuch gesen xeseg xaigaad uzie geed usruu tolgoigoo xiigeed xartal teer eroold neg yum tanil xaragdaad shumbaad ochtol mashinii tulxuur mini baisan shuu Munch ix bayarlasandaa lus savdag tuslasan baixaa
    2019 оны 10 сарын 23 | Хариулах
  • Зочин
    Өөрийнх нь нэрийг галигийн ард хадаж байгаа нь сайшаалтай. Гэвч манай хэлэнд галиглахад давхар гийгүүлэгч ямар ч үүрэггүй. Тэрчлэн бид галиглахдаа цаад хэлний эх дуудлага ямар байгааг бага ч болов анхаарвал зохино. Орос галигаас аль болох татгалзах хэрэгтэй. Орос галиг тун өөдгүй, тухайн хэлний эх дуудлагыг юу ч биш болгодог гэмтэй. Бид тэр жишгээр эх хэлний дуудлагаа хүчээр эвдэх хэрэггүй. Dan Levine гэвэл уг нь Дань Лэвин гэж дуудагдах гээд байна. Батэри Рокс, Эмма биш Эма. Корнвол Корнуол хоёрын дуудлагыг кирил монгол хэлээр галиглахад дуудлагын ялгаа бараг гарахгүй. Тэгэхээр бид орос галигаар заавал W- уо гэж тэмдэглэх шаардлагагүй. Жишээ нь Хэмингуэй биш Хэминвэй гэж бичих нь цаад хэлний дуудах эхэд хамаагүй ойр, эеврүү болж байгаа юм. Манай хамрын н авианы араас орж буй в бол ориг W-н дуудлагатай тун ойр очино. Зарим тохиолдолд бид ингэж эх хэлнийхээ давуу чанарыг ашиглаж гадаад үгийг галиглахад хэмнэлт хийж байх чухал. Түүнчлэн энэ жишээгээр давхраар бичих шаардлагагүй хэвшмэл үгнүүдэд орсон гийгүүлэгчүүдийг аль болох гээж сурах хэрэгтэй. Касс биш каас гэвэл илүү эеврүү болно. Кас гэсэн ч болно. Ватт биш ват. Үнэхээр боломгүй тохиолдолд бид хуучин жишээгээр явж болно. Гэхдээ л орос галиг биш цаад хэлний эх дуудлага маш чухал.
    2019 оны 10 сарын 23 | Хариулах