Хорвоогийн хамгийн урт шүд түүхэн амжилт тогтоов
2019-11-01 07:50
ХБНГУ-ын Оффенбах хотын шүдний эмч өвчтөнийхөө 3,7 см урттай шүдийг авч дэлхийн дээд амжилтыг тогтоосон байна.

Аравдугаар сарын 29-нд шүдний эмч Макс Лукаст (Max Lukas) хүмүүний түүхэн дэх хамгийн урт шүдийг авсан амжилтыг нь “үнэлж” Гиннесийн амжилтын номын гэрчилгээг гардуулжээ.

2018 онд Майнц хотын шүд нь өвдсөн нэгэн оршин суугч тус эмнэлэгт хандсан байна. Лукас өвчтөнд үзлэг хийгээд буйлнаасаа дээш дөнгөж ¼ нь ил гарсан хэвийн бус урт шүд өвдөлт өгч байгааг мэджээ.

Шүдний эмч Гиннесийн амжилтын номонд бүртгүүлэхэд шаардлагатай бичиг баримтуудыг цуглуулах, “ховор олдвор”-оо шинжлүүлэхэд бүтэн жилийн хугацааг зарцуулсан гэнэ.

“Энэ ховор тохиолдол, амжилтын тухай одоо дэлхийн бүх шүдний эмч нар мэддэг болно” хэмээн өгүүлэх Лукас гэрчилгээгээ залах газраа ажлын өрөөндөө хэдийнэ бэлтчихсэн гэнэ шүү.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
  • Их уншсан
  • Их сэтгэгдэлтэй