28 удаагийн тохиолдлоор 113 ширхэг тарваганы түүхий мах тээвэрлэн явсан зөрчил илэрчээ
2019-11-01 09:35
Нийслэлийн Засаг даргын 2019 оны наймдугаар сарын 01-ний өдрийн А/772 дугаар захирамжийн хүрээнд тарваган тахал өвчнөөс урьдчилан сэргийлэх зорилгоор НМХГ-ын даргын 2019 оны наймдугаар сарын 16-ны өдрийн “Байгалийн голомтот тарваган тахал болон хүн, мал амьтны гоц халдварт өвчнөөс урьдчилан сэргийлэх талаар тавих хяналт шалгалтыг эрчимжүүлэх тухай” А/46 дугаар тушаалын дагуу авто тээврийн шалган нэтврүүлэх 8 товчоонд 51 улсын /ахлах/ байцаагч, 24 эргүүл хяналтын ажилтан 24 цагаар хяналт шалгалт хийж ажиллаж байгаа аж. 

2019 оны наймдугаар сарын 15-наас аравдугаар сарын 30-ныг хүртэлх хугацаанд нийт 60770 тээврийн хэрэгсэл, 151925 иргэний ачаа тээшинд тарваганы мах, дагалдах түүхий эд бүтээгдэхүүний үзлэг хийж, 28 удаагийн тохиолдлоор тарваганы түүхий мах /тулам/ 113 ширхэгийг илрүүлэн, тухай бүрт Зоонозын өвчин судлалын үндэсний төвд шилжүүлэн шинжлүүлэхэд тарваган тахал өвчний үүсгэгч илрээгүй байна.

Зөрчил үйлдсэн иргэдэд Зөрчлийн тухай хуулийн 7.6 дугаар зүйлийн 1.3, 4, 5 дахь заалтуудыг үндэслэн 5700.0 мян.төгрөгийн торгуулийн шийтгэл ногдуулж, 18836.0 мян.төгрөгийн нөхөн төлбөр тооцон, хяналт шалгалтын явцад нийт 5710 ширхэг сэрэмжлүүлэг, зөвлөмжийг хүргүүлжээ.

Эх сурвалж: НМХГ
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй