Автомашин үйлдвэрлэлийн акулууд нэгдлээ
2019-11-01 15:02
Аравдугаар 31-нд автомашин үйлдвэрлэгч Итали-Америкийн FCA групп (Fiat Chrysler Automobiles) болон Францын PSA Groupe нэгдэж байгаагаа зарлажээ. Ингэснээр Volkswagen, Toyota болон Renault-Nissan-Mitsubishi дараа дөрөвдүгээрт орох хүчирхэг компани бий болж байна гэсэн үг юм.

Талууд нэгдсэн компанид тэнцүү хувь эзэмших бөгөөд Удирдах зөвлөлд компани тус бүрээс тав таван топ менежер орох гэнэ.

Шинэ компанийн УЗ-ын даргаар FCA группын ТУЗ-ийн дарга Жон Элканн ажиллах бол гүйцэтгэх захирлаар PSA группын Удирдах зөвлөлийн дарга Карлос Таварес томилогдсон байна.

Компаниуд нэгдэх явц тийм ч хурдан явагдахгүй бөгөөд эхний дөрвөн жилд 80 хувийн гүйцэтгэлтэй байх бол долоон жилийн дараа л нэгдэх процесс бүрэн явагдаж дуусна гэж талууд тооцоолж байгаа аж.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй