Хар тамхиа 18 жил хамрандаа “хадгалжээ”
2019-11-02 10:37
48 настай австрали эрийн 18 жилийн өмнө хамрандаа нуугаад мартсан марихуанаг эмч нар мэс ажилбар хийж гарган авчээ.
 
Хүнд гар 2001 онд шоронд сууж байхдаа найз бүсгүйгээсээ эргэлтээр нууцаар хар тамхи авсан байна. Резинэн уутанд хийсэн марихуанагаа харгалзагч нараас нууж хамрандаа хийсэн ч авч чадалгүй залгачихсан гэнэ.
 
Сайн эр ч цагийн эрхээр хамран дахь хар тамхиа мартжээ. Удалгүй амьсгалын замын хүндрэлтэй болж, хамар нь байнга үрэвсдэг болсон ч “мартсан эрдэнэс”-ээсээ болж ийн зовж байгаагаа ойлгодоггүй байсан гэнэ.
 
18 жилийн дараа аргаа бараад эмчид үзүүлж, компьютер томографаар хамарных нь нүхэнд гадны биет байгааг илрүүлсний тусаар “хүнд гар” зовлонгоосоо ангижирсан байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй