Нэймарын шивээснүүдийн тайлбар
2018-10-01 15:52
Зүүн хөлийн арын шилбэний булчин дээрээ Нэймар Бразилийн төрийн далбаа, хөлбөмбөгийн бөмбөгтэй хүүг шивүүлжээ. Энэ шивээс Нэймарын хүүхэд насны мөрөөдлийг мөнхжүүлсэн аж.
Нэймар хоёр хөлийнхөө шагайн дээд хэсэгт “Аз жаргалтай”, “Эрэлхэг” гэсэн үгсийг шивүүлжээ.
Зүүн гарын булчин дээрээ хөлбөмбөгчин залуу “Амьдрал бол хошигнол юм” гэсэн шивээсийг хийлгэсэн аж.
Хүзүүн дээрээ 4-ийн тоо шивсэн нь аав, ээж, охин дүү болон өөрийг нь бэлгэдсэн юм.
2015 онд Нэймар “Барселона” багийн хамтаар Аваргуудын лигт тэргүүлсэн билээ. Тэр даруй энэ чухал үйл явдлыг мөнхжүүлэх зорилгоор цомыг нь шивүүлсэн аж.
Баруун гарын шуун дээрээ Нэймар хүү Давид Луккагийнхаа нэр болон төрсөн өдрийг шивүүлжээ. Нэймар ердөө 19 насандаа аав болсон билээ. Луккагийн ээж Каролина Дантастай Нэймар удаан үерхээгүй бөгөөд 2011 оны сүүлээр хоёр тийш болцгоосон. Хэдий тийм ч гэлээ Нэймар хүүтэйгээ байнга уулзалдаж, холбоотой байдаг аж.
Аавыгаа хүндэлж явдаг Нэймар цээжин дээрээ залбирлын үг шивүүлсэн аж.
“Бүх зүйл улиран оддог” гэсэн үгтэй шивээсийг зүүн чихнийхээ ард хийлгэжээ. Дээр нь гурван шувуу шивүүлсэн нь оргил өөд явсан түүний замналыг илтгэнэ.
Зүүн гарын булчин дээрээ нударга шивүүлсэн нь дотны гурван найзтайгаа хамт хийлгэсэн шивээс гэнэ.
Нэймар шүтлэгтэй нэгэн. Тиймээс зүүн гарын шуун дээрээ мөргөл үйлдэж буй хүний хавсарсан гарыг шивүүлжээ. Тэрбээр долоо хоногт нэг удаа сүмд очдог байна.
Зүүн гарын сарвуун дээрээ “Хайр” гэсэн үгтэй шивээсийг хийлгэжээ.
Харин довтлогч залуугийн баруун гар тэр чигтээ гэр бүлийнхэнд нь зориулагдсан аж. Мөрөн дээр нь Рафаэлла хүүгийнх нь хөрөг шивэгджээ. Хажууд нь ээжийнх нь зураг байрладаг бол арай доохно аавынх нь хоёр мэлмий дурайх аж.
Шуун дээр нь хүү Давид Луккагийнх нь хөрөг шивэгдсэн байдаг.
Нуруун дээрээ “Хайр дурлал хэзээ ч дуусахгүй” гэсэн шивээсийг хийлгэжээ. Тэрбээр энэ шивээсийг жүжигчин Бруно Маркезинитэй үерхэж байхдаа хийлгэсэн аж. Тэд 2012 оноос хойш дотноссон бөгөөд хэд хэдэн удаа хоёр тийш болсон бөгөөд өнгөрсөн оны сүүлчээр буцаад нийлсэн билээ.
Зүүн гарынх нь ядам хуруун дээр титэм дурайх аж. Энэ титмийг Нэймар өөрийн эхнэр болох бүсгүйд өмсгөх гэнэ шүү. Сураг сонсохнээ Нэймар Маркезинид гэрлэх санал тавьсан гэнэ.
Бугалган дээрээ Нэймар Рафаэлла гэдэг нэрийг шивүүлсэн нь охин дүүгээ мөнхжүүлсэн хэрэг. Энэ бол түүний анхны шивээснүүдийнх нь нэг.
Бурханд дэндүү итгэж, түүнд сүслэдэг Нэймар шилэн хүзүүн дээрээ загалмай, түүний дор “Ивээгдсэн нэгэн” гэсэн үгийг шивүүлжээ.
Энэ мэтчилэн Нэймарын шивээснүүдийн тайлбар цааш хөврөх аж.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй