Электрон тамхи үйлдвэрлэгч хамгийн том компани шүүхэд дуудагдав
2019-11-19 09:02

Сүүлийн үед электрон тамхины нөлөөнөөс үүссэн өвчлөл, нас баралтын тоо эрс нэмэгдэж, үүнтэй холбоотой асуудал дэлхий даяар хурцаар яригдах болсон билээ.

Тэгвэл АНУ-ын Калифорни мужийн Ерөнхий прокурор Хавьер Бесерра болон Лос-Анжелес тойргийн эрх баригчид электрон тамхи үйлдвэрлэлээр улсдаа хамгийн томд тооцогдох “Juul Labs” компанийн эсрэг шүүхэд гомдол гаргажээ.

Ийнхүү шүүхэд өгөх болсон шалтгаан нь тус компани нь бүтээгдэхүүнээ зөвхөн насанд хүрэгчдэд зориулан үйлдвэрлэдэг гэсэн атлаа зар сурталчилгаа нь насанд хүрээгүй хүүхдүүд рүү чиглэж байна гэж үзсэн байна. Мөн электрон тамхины хүний биед үзүүлэх сөрөг нөлөөний талаар судалгаа шинжилгээг хангалттай хийхгүй байна гэж үзжээ.

Электрон тамхи нь хүний нөхөн үржихүйн тогтолцоог гэмтээж, хавдрын эрсдэлийг нэмэгдүүлж, уушгийг ихээр гэмтээдэг хэмээн гомдолд дурдсан байна. Энэ онд л гэхэд АНУ-ын 21 мужид 22 иргэн электрон тамхи хэрэглэсний улмаас уушги нь өвчилж нас барсан юм.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй