BTS хамтлагийнхан цэрэгт мордоно
2019-11-22 13:24

Өмнөд Солонгосын Ерөнхий сайд И Нак Ён урлаг соёл, спортын одод дэлхий дахинд улсын нэр хүндийг гаргаж байгаа цэргийн албанаас чөлөөлөгдөх шалтгаан болохгүй гэж мэдэгдлээ.

Ингэснээр к-попын супер хамтлаг BTS-ын гишүүд цэргийн албаа хаана гэсэн үг юм.

Хэдийгээр зарим улстөрч, олон нийтийн зүгээс BTS хамтлагийн гишүүдийг цэргийн албанаас чөлөөлөхийг хүссэн ч ийнхүү Засгийн газраас чөлөөлөх боломжгүй гэж мэдээллээ. Хэдийгээр спортын зарим оддыг цэргийн албанаас чөлөөлөх практик байдаг ч энэ удаад к-попын хамгийн алдартай хамтлагт энэ шийдвэр үйлчлэхгүй бололтой.

Өмнөд Солонгосын хуулиар 18-35 насны эрчүүд хоёр жилийн цэргийн алба заавал хаасан байх ёстой юм. Цэргийн албанаас мэргэжлийн тамирчид, мэргэжлийн урлагийн байгууллага буюу сонгодог урлагийн ажилтнууд цэргийн албанаас чөлөөлөгдөх журамтай аж. Үүнд к-поп одод, кино жүжигчин, найруулагч хамрагддаггүй билээ.

Ингэснээр BTS хамтлагийн гишүүдийн тал нь ирэх хавар болох цэрэг татлагаар, үлдсэн нь дараагийн ээлжийн цэрэг татлагаар цэргийн алба хаахаар болжээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй