Дулааны шугамын халуун усанд 2 хүн шалзарч, нас баржээ
2019-11-22 14:29

Сүхбаатар дүүргийн гуравдугаар хорооны дулааны  шугам сүлжээний худагт халуун ус алдагдаж хоёр хүн нас барсан харамсалтай  хэрэг өчигдөр /2019.11.21/  гарчээ.

Тодруулбал, дулааны шугам сүлжээний худагт халуун ус алдагдаж, дотор нь 2 хүн байна” гэсэн дуудлага мэдээлэл Нийслэлийн Онцгой байдлын газарт 19.32 цагт ирсэн байна. Дуудлагын дагуу 13 алба хаагч  19.42 цагт очиход тухайн худаг халуун усаар дүүрч  ажиллах ямар ч  боломжгүй байсан учраас Улаанбаатар дулааны шугам сүлжээнээс шуурхай жижүүрийн багийг ирүүлжээ.

Тухайн дулааны  шугамыг 20.05 цагт хааж 1.5 метрийн гүнтэй халуун усыг соруулсан  ч 21.30 цагт нэр, нас, харьяалал нь тодорхойгүй эрэгтэй, эмэгтэй 2 хүний цогцсыг гаргаж цагдаагийн байгууллагад шилжүүлэн  өгсөн байна. Хэргийн шалтгааныг цагдаагийн байгууллага тогтоохоор ажиллаж байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй