Хүннүгийн үеийн булш тоносон этгээдүүдийг саатуулжээ
2019-12-03 11:02

Арваннэгдүгээр сарын 3-ны өдөр Дорноговь аймгийн Хатанбулаг сумын нутаг дэвсгэрт хэсэг бүлэг хүмүүс эртний Хүннүгийн үеийн булш ухаж, түүнийгээ худалдан борлуулах гэж буй тухай мэдээлэл цагдаагийн байгууллагад ирсэн байна.

Мэдээллийг шалгахад, Дорноговь аймгийн Сайншанд сумын харьяат “З”, “Г” нар нь 2019 оны тавдугаар сарын 20-ны орчимд тус аймгийн Хатанбулаг сумын нутагт металл хайгч багаж ашиглаж эртний хадны сүг зураг мэт хэлбэр дүрстэй 11 ширхэг зэвэрч хөгзөрсөн байдалтай гуулин эд зүйлсийг газрын хөрснөөс ухаж гарган худалдан борлуулах зорилгоор хадгалсан байсан нь илэрчээ.

Сэжигтэй этгээд “З”-г Сүхбаатар дүүргийн 7 дугаар хорооны нутаг дэвсгэрээс дайчлан баривчилсан байна.

Хойшлуулшгүй ажиллагааны хүрээнд гэрт нь үзлэг хийж эд мөрийн баримтаар эртний хадны сүг зураг мэт хэлбэр дүрстэй 11 ширхэг металл эд зүйлсийг хураан авчээ. Хураагдсан эд зүйлсийг Шинжлэх ухааны академи, Археологийн хүрээлэнгийн шинжээчдээр шинжилгээ хийлгэхэд, Хүннүгийн соёлд хамаарах МЭӨ III-I зуунд хүрлээр бүтээсэн нэг бүсний чимэглэлийн товруу ба арал болох нь тогтоогдсон байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй