Ч.Сайханбилэгийг Интерполоор эрэн сурвалжилж эхэлсэн үү?
2019-12-03 12:10

Ерөнхий сайд асан Ч.Сайханбилэгийг интерполоор эрэн сурвалжилж эхэлсэн тухай АТГ-аас мэдэгджээ.

Түүнийг Оюутолгойн Хөрөнгө оруулалтын гэрээ, Хувь нийлүүлэгчдийн гэрээ, Дубайн гэрээг батлахдаа эрх мэдэл, албан тушаалын байдлаа урвуулан ашиглаж, улсад их хэмжээний хохирол учруулсан байж болзошгүй хэргээр шалгаж байгаа билээ. Ч.Сайханбилэг мөрдөн байцаалтын шатанд хилийн чанадад эмчилгээ хийлгэхээр болж,  хүсэлтээ шүүхэд гаргасан.  Гэвч АТГ-аас дуудсан хугацаанд  хоёр ч удаа ирээгүй байна. 

Тиймээс  оргон зайлсан гэдэг үндэслэлээр олон улсад эрэн сурвалжилж байгаа гэх мэдээллийг АТГ-аас өгч  байна.

Гэхдээ Интерполоор эрэн сурвалжлагдаж буй Монгол Улсын иргэдийн дунд Ерөнхий сайд асан Ч.Сайханбилэгийн нэр байхгүй байгаа юм.

Өнөөдрийн байдлаар Интерполоор Монгол улсаас Б.Энхмаа болон Ц.Гансүх гэсэн хоёр хүн эрэн сурвалжлагдаж байгаа ажээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй