Өрөнд орсон бүсгүй азаар саятан болжээ
2019-12-06 10:32

Английн Дарем гүнлэгийн Сихем хотын нэгэн оршин суугч цахим бинго тоглоод саятан болсон байна.

Дөрвөн хүүхдийн эх, 51 настай Анита Кэмпбелл (Anita Campbell) сүүлийн хэдэн жил орлого муутай, цалингаас цалингийн хооронд өр тавин хүндхэн амьдарч байжээ. Бинго тоглож эхлээд арав хоногийн дотор л нэг сая гаруй фунт стерлингийг хожсон байна.

“Би яг зүүдэлж байгаа юм шиг л байна. Одоо болтол итгэж чадахгүй байна шүү. Хүүхдүүдийнхээ амьдралыг сайжруулах боломжтой болсондоо их баяртай байна” хэмээн азтай эх өгүүлжээ.

Бинго анх тоглож эхлээд хэдхэн цагийн дараа 597 мянган фунт стерлинг (2 тэрбум 133 сая төгрөг) хожсон бүсгүй арав хоногийн дараа дахин азаа үзээд 522 мянган фунт стерлинг (1 тэрбум 865 сая төгрөг)-ийг нэмж хожсон байна.

Кэмпбелл бүсгүй хүүхдүүдийнхээ хамт түрээсийн умгар байрнаас өөрсдийн байранд нүүн орж, өр ширээ бүгдийг нь дарсан гэнэ. Мөн их хэмжээний мөнгө хожсон ч бингогоо үргэлжлүүлэн тоглох бодолтой байгаа гэнэ дээ, азтай, одтой бүсгүй маань...
 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
  • Их уншсан
  • Их сэтгэгдэлтэй