Машинтай жагсагчид түгжрэл үүсгэлээ
2019-12-09 11:54

НИТХ-ын хуралдаанаар авто зам ашигласны төлбөрийн хувь хэмжээг шинэчлэн баталсан. Харин энэхүү шийдвэрийг зарим иргэд эсэргүүцэн автомашинтай жагсаалыг Сүхбаатарын талбай буюу Нийслэлийн Хангарди ордны гадна хийж байна.

Жагсаал, цуглаанд оролцогч иргэд Замын хөдөлгөөний дүрмийн болон замын хөдөлгөөний аюулгүй байдлын тухай хуулийн холбогдох заалтуудыг зөрчиж, бусад хөдөлгөөнд оролцогчдын чөлөөтэй зорчих хөдөлгөөнд саад учруулж эхэллээ.

Тухайлбал, хоёр эгнээ замын 1, 2 дугаар эгнээг хааж зогсох, санаатайгаар иргэдийг бухимдуулж, зохиомол түгжрэл саатал үүсгэх оролдлогыг автомашинтай жагсагчдын зүгээс гаргаж байна.

Мөн жагсагчид жагсаал, цуглаан хийх зөвшөөрлөөр тухайн авто замыг хаах эрхтэй гэх зэргээр иргэдэд буруу ташаа мэдээлэл хүргэж байгаа талаар албаныхан мэдээлж байна. 

Замын хөдөлгөөний аюулгүй байдлын тухай хуульд зааснаар замын хөдөлгөөнд оролцогч иргэд замын хөдөлгөөний дүрмээ биелүүлэн зорчиж байгаа тохиолдолд цагдаагийн байгууллагаас хамгаалалтад авч, урсгал чиглэлийг түр өөрчилснөөс бусад замд чөлөөтэй зорчих эрхтэй байдаг. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
  • Их уншсан
  • Их сэтгэгдэлтэй