Чингэлтэй дүүргийн мөсөн талбай бүхий спорт цогцолборыг удахгүй нээнэ
2019-12-09 15:26

Чингэлтэй дүүргийн 10 дугаар хорооны нутаг дэвсгэр, Дэнжийн мянгын 39 дүгээр сургуулийн хойно уран гулгалт, хоккейн талбайтай мөсөн ордныг тун удахгүй ашиглалтад оруулах гэж байна.

Тус спорт цогцолбор нь өвөл, зунгүй ажиллах мөсөн талбайгаас гадна усан сан, сагсан бөмбөг, волейболын талбай бүхий 1000 хүний суудалтай хэмээн Чингэлтэй дүүргийн Засаг даргын орлогч Ж.Лхагвасүрэн мэдээллээ.

Улсын төсвийн хөрөнгө оруулалтаар барьж буй энэхүү цогцолборын барилгын ажил 90 орчим хувьтай явагдаж байгаа бөгөөд одоогоор тохижилт угсралтын ажил хараахан дуусаагүй байгаа тул шинэ он гарсны дараа ашиглалтад оруулах төлөвтэй байна гэлээ.

Тус цогцолборт дүүргийн иргэд үнэ төлбөргүйгээр үйлчлүүлэх боломжтой болох гэнэ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
  • Их уншсан
  • Их сэтгэгдэлтэй