Сайн дураараа нутаг буцвал БНСУ-д дахин нэвтрэх эрх олгоно
2019-12-11 14:16

Өмнөд Солонгосын Хууль зүйн яамнаас өчигдөр /2019.12.10/ тус улсад хууль бусаар амьдарч буй гадаадын иргэдэд зориулсан нэгэн журмыг баталжээ.

Уг журамд зааснаар ирэх зургадугаар сар гэхэд тус улсыг сайн дураараа орхисон, өөрөөр хэлбэл, сайн дураараа эх орон руугаа буцсан тохиолдолд тус улсад дахин нэвтрэх боломж олгохоор болсон байна. Мөн сүүлйин жилүүдэд тус улсад хууль бусаар ажиллаж амьдрах гаднын иргэдийн тоо эрс нэмэгдэж байгаа тул тэдгээр хүмүүсийг авч ажиллуулж байгаа ажил олгогч нарт ногдуулах шийтгэлийг чангална гэжээ.

Харин үүнээс хойш буюу 2020 оны долоодугаар сараас эхлэн БНСУ-д хууль бусаар оршин сууж байгаа гаднынханд ногдуулах торгуулийн хэмжээг нэмэгдүүлж, тус улсад дахин нэвтрэх боломжгүй болж магадгүйг анхааруулсан байна. Харин төрөөд удаагүй, жирэмсэн, эсвэл эрүүл мэндийн бусад шалтгааныг харгалзан үзэж, албадан гаргах хугацааг уян хатан байлгана гэв.

Эх сурвалж: www.koreatimes.co.kr

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
  • Их уншсан
  • Их сэтгэгдэлтэй