Зүүд зөндөө итгээд их мөнгө хожив
2019-12-12 09:33

АНУ-ын Мичиган мужийн Драммонд арлын оршин суугч зүүдэндээ итгэснээр хонжворт сугалаанаас их хэмжээний мөнгө хожсон байна.

23 настай Жесси Фравала (Jesse Fravala) гурван ч удаа зүүдэндээ агшин зуурын Wild Time сугалаанаас 500 мянган ам.доллар (1 тэрбум 361 сая төгрөг) хожиж байгаагаа үзжээ. Давтагдаж буй зүүдийг зөнтэйд итгэсэн залуу сугалааны тасалбар худалдан авч азаа үзэж эхэлсэн гэнэ.

“Би анхны зүүдээ үзчихээд л Wild Time-аар тоглож эхэлсэн. Зүүд маань зөнтэй байна гэдэгт итгэсэн юм” хэмээн Жесси ярив. Үнэхээр ч түүний зүүдний “мөрөөдөл” биелж тэрбээр 500 мянган ам.долларыг хожсон байна.

“Мөнгө хожсондоо итгэж чадалгүй мэлмэрүүлж орхисон шүү” гэж ярих азтан эр хожлынхоо мөнгөөр шинэ автомашин авч, үлдсэнээр нь хувьцаа авч хөрөнгөө арвижуулахаар шийдсэн гэнэ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй