“Гэртээ ганцаараа”-г шинэчлэнэ
2019-12-12 11:44

1990 онд дэлгэцэнд гарч 500 сая ам.долларын орлого олж байсан “Гэртээ ганцаараа” киног шинэчлэн хийх гэж байгаа бөгөөд гол дүрүүдийг бүтээх жүжигчдийн нэрс тодорхой болжээ. Гол дүрд “Жожо бүжин” киноны од Арчи Йейтс тоглохоор болсон гэнэ. Гэхдээ Кевин Маккалистер бус өөр нэртэй гол баатар байх аж.

“Офис” олон ангит инээдмийн киноны дүрээрээ олонд танигдсан Элли Кемпер болон “Сүйрэл” олон ангит кинонд тоглосон Роб Делани нар мөн гол дүр бүтээх урилга аваад байгаа гэнэ.

Ерөнхий найруулагчаар Дэн Мазер ажиллах бөгөөд кино зохиолыг Saturday Night Live шоуны зохиолчид бичсэн байна. Дисней компани кино зохиолыг нилээдгүй өөрчлүүлсэн тул 1990 онд гарч байсан анхны киноноос тэс өөр бүтээл болох магадлалтай гэж Америкийн хэвлэлүүд мэдээлж байна.

Киноны зураг авалт нь 2020 онд эхлэх бөгөөд нээлтээ хийх огноо нь одоогоор тодорхой болоогүй байгаа аж.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
  • Их уншсан
  • Их сэтгэгдэлтэй