Хартай эхнэрийн хачин үйлдэл
2019-12-13 09:30

Мексикийн нийслэл Мехико хотын оршин суугч эмэгтэй Uber-ийн таксинд явдаг нөхрийнхөө машины багажинд хүүгийнхээ хамт нуугдан тагнасан хачин жигтэй хэрэг гарчээ.

Хартай хүүхэн нөхрөө шөнийн ээлжинд гарахад нь ийн хардаж мөшгөсөн аж. Үйлчлүүлэгч Крис Астудильо (Chris Astudillo) таксинд суун явахдаа тээшний хэсгээс сонин чимээ гарахыг сонссон байна. Жолооч багажаа онгойлготол авааль эхнэр нь хүүгийнхээ хамт хэвтэж байх нь тэр. Хүүхэн орилж хашгирсаар урд талын суудалд суун хэрүүлээ үргэлжлүүлсэн байна.

Гайхаж цочирдсон Астудильо болж буй үйл явдлыг гэрэл зургийг авч “Та Uber-ийн таксинд сууж яваад нөхрөө тагнасан хүүхэн хүүхдээ тэврэн тээшнээс гарч ирэхийг харна гээд төсөөлөөд үз дээ” гэсэн тайлбартайгаар фэйсбүүк хуудсандаа оруулжээ.

Түүний постыг уншсан хүмүүс балчир хүүхдээ бодолгүй, нөхрөө тагнахаа л урьтал болгодог хүүхнээс таксичин залууг салж хүүгээ өөр дээрээ авч, хүмүүжүүлэхийг зөвлөсөн сэтгэгдлийг ихээр бичиж байсан гэнэ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
  • Их уншсан
  • Их сэтгэгдэлтэй