“Эко Алтан Заамар” ХХК нэрээ өөрчлөв
2019-12-26 16:13

2019 оны хоёрдугаар сард Төв аймгийн Заамар сумын нутаг Баянголын амны Ууцар хэмээх газарт үйл ажиллагаа явуулдаг “Эко Алтан Заамар” ХХК-ийн ашигт малтмалын олборлолтын ил уурхайд нуралт болж зургаан хүн дарагдсан осол болсон. Осол болсон даруйд хоёр иргэнийг эсэн мэнд гаргасан бол үлдсэн дөрвөн иргэний цогцсыг онцгой байдлын аврагчид маш хүнд нөхцөлд хүйтэн усанд зургаа хоногийн турш шумбалт хийж байж гаргаж авсан юм.

Мөн энэ сарын 6-ны өдөр тус компанийн Булган аймгийн Бүрэгхангай суманд байдаг уурхайд дахин осол гарч, нэг ажилтан амиа алдсан. Осол тухайн өдрийн 13 цагийн орчимд гарсан бөгөөд трос тасарч, 26 настай ажилтны дээр унан, газар дээрээ амиа алджээ.

2019 оныг барцад ихтэй үдэж байгаа тус компани нэрээ өөрчилж, муу нэрээ хусах оролдлого хийж буй бололтой “Эко-Алтан Заамар” нэрээ өөрчилж, “Бүрдэл Майнинг” нэртэй болжээ.

Тус компани холбогдох хуулийн дагуу шинэ нэрээ хэвлэл мэдээллийн хэрэгслээр зарласан нь энэ бөгөөд 5722942 ААН-ийн регистрийн дугаараар нь Улсын бүртгэлийн ерөнхий газрын цахим бүртгэл мэдээллийн системээс хайлт хийхэд Эко Алтан Заамар ХХК мөн болох нь батлагдлаа.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй