Өөрийгөө хараадаг “өөдгүй” цагдаа
2020-01-07 09:34

АНУ-ын Канзас мужийн Херингтон хотын Цагдаагийн Ерөнхий газрын ажилтан залуу “McDonald’s”-аас аяга кофе автал түүнийг гахайгаар дуудаад зогсохгүй тун чиг эвгүй хараалын үгсээр дүүрэн цаасыг аяганд нь наасан байжээ.

Гэхдээ “хэрэг тарьсан” аяганы зургийг нийгмийн сүлжээнд яаран байрлуулсан 23 настай цагдаа залуу нэг л зүйлийг тооцоолоогүй байж. Түргэн хоолны газрын менежерүүд түргэн авч, хяналтын камерын бичлэгийг шүүн үзтэл тус газрын ажилтнуудаас үзэг, цаас нийлүүлсэн завтай хүн нэг ч байгаагүй гэнэ.

Уг асуудал өндрийг авч цагдаагийн газрын удирдлагууд хүртэл хэргийг сонирхон шалгатал хууль сахиулагч залуу өөрөө “маазрах” гэж ийм үйлдэл хийсэн нь баригдаж, “инээдэм нь ханиад” болж хувирсан байна. Олон нийтийн өмнө цагдаагийн байгууллагын нэр хүндийг унагасан гэх шалтгаанаар “инээмтгий цагдаа”-г ажлаас халжээ.

Сошиал сүлжээнд юу оруулахаа, юу бичихээ сайтар бодож байхгүй бол та бид ч иймэрхүү асуудалд ороход амархан цаг шүү дээ...

Ээ дээ, энэ интернэт үү!...

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй