Орилоо тоть хэрэг тарив
2020-01-09 09:14

Хэн нэгний тусламж эрэн орилохыг сонссон бүсгүй цагдаа дуудсан ч хэлэмгий тотиноос болж “онигоо”-нд орсон тохиолдол АНУ-ын Флорида мужийн Палм Бич дүүрэгт гарчээ.

“Намайг сулла, намайг сулла” гэж хүн хашгирахыг сонссон бүсгүй цагдаагийн шуурхай албанд утасдаж мэдэгджээ. Дуудлага авсан дөрвөн хууль сахиулагч “хэрэг гарсан” айлын гадаа иртэл гэрийн эзэн гараашиндаа автомашинаа засварлаж байсан гэнэ.

Ирсэн хэрэг явдлаа хэлтэл гэрийн эзэн орилоо тоть шувуугаа аван гарч иржээ. Шувууны ярих, орилохыг сонссон цагдаагийн алба хаагчид элгээ хөштөл инээсэн байна.

“Түүнийг Рэмбо гэдэг юм. Би түүнийг цагдаа нартай болон сонор сэрэмжтэй бүсгүйтэй ч танилцуулсан, тэд үхтлээ инээсэн шүү. Тоть маань тусламж эрэн орилохыг сураад удаж байгаа юм аа” гэж гэрийн эзэн хуучилжээ.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй