Нүцгэн зургаар дарамтлагч этгээд шийтгэлээ амсав
2020-01-10 09:46

Хуучин хамтран амьдарч байсан амраг бүсгүйнхээ шалдан гэрэл зургуудыг нь олон нийтийн сүлжээгээр тараана гэж айлган мөнгө нэхэж авдаг байсан этгээд шийтгүүлсэн хэрэг явдал Шотландын Пейсли хотноо гарчээ.

Кирсти Нилис хоёр жил үерхсэн Луи Тедфордоос 2017 оны зун салан төрсөн гэртээ эргэн ирсэн байна. Тэр цагаас эхлэн Тедфорд хөөрхий бүсгүйн гар утас руу нүцгэн зургуудыг нь илгээн, амьдралыг нь сүйрүүлнэ хэмээн дарамтлах болсон гэнэ.

Тэрбээр цахим сүлжээнд гэрэл зургуудыг байршуулаагүйн төлөө сар бүр 300 фунт стерлинг (нэг сая 77 мянган төгрөг)-ийг Кирстигээс авдаг байжээ.

Тэсгэл алдсан Кирсти саяхан цагдаагийн байгууллагад хандсанаар дарамтлагч этгээдийг баривчилсан байна. 

Нэгдүгээр сарын 7-нд шүүх хурлаар Тэдфорд гэм буруугаа хүлээсэн тул шүүгч түүнийг найман сар хорих ялаар шийтгэж, Нилист таван жилийн турш ойртох, ямарваа нэгэн аргаар харилцаа тогтоохоор оролдохыг хориглосон шийдвэрийг гаргажээ.
 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй