С.Баяр буруугаа хүлээлээ
2020-01-11 10:25

Ерөнхий сайд асан С.Баяр өөрийн твиттер хуудсаараа дамжуулан тэтгэврийн зээлийг тэглэхтэй холбоотойгоор байр сууриа илэрхийлжээ. 

Тэрбээр цахим хуудсаараа дамжуулан "Буруугаа хүлээе! 2008 оны сонгуулиар бид мөнгө амласан. Ардчилсан нам 1 сая гэхэд нь 1,5 болгож өсгөсөн. Олсон хэдээ хүүхэд, хөгшин, оюутан гээд ийш тийш тараасан. Авсан нь мартаж, өгсөн нь буруутдаг хорвоо. Сонгуулийн дүн ч шал эсрэгээр гардаг. 2012, 2016 энэ киноны 2, 3-р анги гарсан. Одоо 4-р анги?

Үүнээс сургамж авч сонгуулийн хуулинд мөнгө амлахыг хаасан заалт орсон санаатай. Тэр хууль хэрэгжиж байна уу? Элдэв зээл тэглэх тухай яриа уриа халуун намраар дэгдэж, тэр нь одоо УИХ-ын танхимд ороод ирэв үү?

Халамжийн тогтолцоог өөд татахын оронд хавтгайд нь тараасан нь буруу болсон. Тэрнээс хүүхэд, хөгшчүүлийн тэтгэмжийг нэмэх санаа, үйлдэл "бараан дурсамж" арай биш байх. Тэр үед эдийн засаг тэлж, иргэдийн амьжиргаа арай сайжирсан. Алдааг байн байн давтахгүй байх нь чухал тул энэ тухай ярих хэрэгтэй" хэмээн жиргэжээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй