Зейн Малик, Жижи Хадид хоёр эргээд нийлжээ
2020-01-13 11:27

“One direction” хамтлагийн гишүүн асан, дуучин Зейн Малик болон загвар өмсөгч Жижи Хадид нар дуучин залуугийн 28 насны төрсөн өдрийг хамтдаа тэмдэглээд зоогийн газраас гарч явахдаа папарацци нар гардуулжээ.

Гэхдээ залуу хосыг эргээд нийлж байгаа гэдэг яриа Зул сарын баярын үеэс гарч эхэлсэн билээ. Тухайн үед Жижи инстаграм сториз-доо Маликын ээжийн жороор хоол хийнэ гэдгээ бичсэн юм.

“Хамгийн хайртай хүмүүсийнхээ нэгд зориулан энэ бүтэн сайн өдрийг гал тогоонд өнгөрүүлж, тахианы махаар хоол хийх болно. Мөн @mammamalik-ийн жороор паста хийнэ” гэж топ модель бүсгүй бичсэнийг Зейны ээж Триша шэйрлэж байсан юм.

Дараахан нь дуучин залуугийн ээжийн хоолонд нугасгүйгээ мэдэгдэж буй видео бичлэгийг Жижи инстаграмдаа оруулсан.

“Чамд ямар зоогийн газар таалагддаг вэ?” гэсэн асуултдаа модель бүсгүй “Миний найз залуугийн эхийн гэр” хэмээн өөрөө хариулж буйг нь та инстаграм хуудсанаас нь үзэж болно шүү.

Хатагтай Триша ч энэхүү бичлэгийн дор “ха ха ха @gigihadid” гэсэн сэтгэгдлийг үлдээсэн байна.

Сануулахад, 2015 оноос үерхэж эхэлсэн Зейн, Жижи нар хэдэнтээ хоёр тийш болж эргэж нийлсний эцэст 2018 оны арванхоёрдугаар сард нэгмөсөн салж буйгаа зарласан билээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй