Элчин сайд А.Баттөрийг хорьж шалгана
2020-01-14 11:46

АТГ-аас Монгол Улсаас Франц улсад суух Элчин сайд А.Баттөрийг эрх мэдэл, албан тушаалын байдлаа урвуулан ашиглаж мөнгө угаасан байж болзошгүй гэх үндэслэлээр хэрэг үүсгэн шалгаж байгаа билээ. Түүнийг өнгөрсөн шөнө ШШГЕГ-ын харьяа Цагдан хорих 461 дүгээр ангид саатуулсан байна.

Энэ талаар албаныхнаас тодруулахад "Элчин сайд А.Баттөрийг өчигдөр 21.00 цагийн үед 48 цагийн хугацаатай цагдан хорьсон" гэх тайлбарыг өглөө.

Тэгвэл өнөөдөр Элчин сайд А.Баттөрийг 30 хоног цагдан хорих шүүхийн шийдвэр гарчээ.  

Тодруулбал, Сүхбаатар дүүргийн Эрүүгийн хэргийн анхан шатны шүүхээс А.Баттөрийг дахин гэмт хэрэг үйлдэх талаар үндэслэл бүхий баримт бүхий мэдээлэл байгаа гэх үндэслэлээр Нийслэлийн прокурорын газраас ирүүлсэн саналыг шүүх хүлээн авч А.Баттөрийг нэг сарын хугацаагаар цагдан хорих таслан сэргийлэх арга хэмжээ авсан байна. 

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй