Мөрийтэй тоглоомноос болж хүүхдээ алдав
2020-01-15 09:36

Хариуцлагагүй эцэг, эх хоёр мөрийтэй тоглоомонд хэт их улайрснаасаа болж хүүхэд, автомашинаа алдахаа шахсан хэрэг явдал АНУ-ын Техас мужид гарчээ.

Нэгдүгээр сарын 12-ны ням гарагийн орой гэр бүлийн хос 21 настай Кимберли Күк (Kimberley Cook) болон 29-тэй Энтони Блю (Anthony Blue) нар дэлгүүрийн автомат тоглоомоор тоглохоор орохдоо ой хагастай хүүхдээ хаалгыг нь цоожлоогүй автомашиндаа үлдээсэн байна. Тэдний ярьснаар байн байн гарч хүүхэд, машинаа шалгаж байсан гэнэ.

23:30 цагийн үед тэнэг нь дэндсэн эцэг, эх ээлжит удаагаа гарч иртэл автомашин ч үгүй, хүүхэд ч байхгүй байсан тул цагдаа дууджээ.

Цагийн дараа тухайн дэлгүүрээс 32 км-ийн зайд оршдог цэцэрлэгт хүрээлэнгийн хамгаалагч автомашины зогсоолоос даарч бээрсэн хүүхдийг нь олж, түргэн тусламж болон цагдаад дуудлага өгсөн байна.

18-тай Жабари Жонатан Дэвис (Jabari Jonathan Davis) болон 19 настай Винсент Леон Каннади (Vincent Leon Cannady) хаалгаа цоожлоогүй автомашин дэлгүүрийн гадаа байхыг мэдээд хулгайлан зугтахдаа арын суудал дээр байсан хүүхдийг нь ойр орших цэцэрлэгт хүрээлэнгийн гадаа үлдээгээд арилж өгчээ. Гэвч машины хулгайчид тэр шөнөдөө цагдаа нарт баригдсан байна.

Хэрэг автомашины хулгайчдыг барьснаар өндөрлөөгүй агаад бага насны хүүхдийг асран хамгаалах хүнгүй орхисон, амь насыг нь аюултай байдалд оруулсан хэрэгт мөрийтэй тоглоомны донтон эцэг, эхийг нь буруутган шалгаж эхэлжээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй