Хендерсон Английн шигшээгийн шилдгээр шалгарлаа
2020-01-15 10:26

“Ливерпүүл” багийн хагас хамгаалагч Жордан Хендерсон Английн шигшээ багийн 2019 оны шилдэг тоглогчоор шалгарсан байна.

Тэрбээр “Манчестер Сити”-гийн 29 настай хагас хамгаалагч Рахим Стерлинг болон “Тоттенхэм”-ийн довтлогч Харри Кейн нарыг ардаа орхижээ.

Өнгөрсөн онд Хендерсон улсынхаа шигшээ багийн төлөө долоон тоглолтод оролцож Английн шигшээг Евро 2020 тэмцээнд орох эрх авахад болон Үндэстний цомын тэмцээнээс хүрэл медаль хүртэхэд ихээхэн үүрэг гүйцэтгэсэн билээ. Черногорийг 5:1 харьцаагаар буулгаж авсан тоглолт нь түүний шигшээдээ хийсэн 50 дахь тоглолт байсан юм.

Мөн тэрбээр “Ливерпүүл” багийнхаа хамтаар Европын хөлбөмбөгийн холбооны Аваргуудын лиг, Сүперцом болон багуудын дэлхийн аваргад түрүүлсэн билээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй