Сураггүй алга болсон малчныг эрэн хайж байна
2020-01-16 11:26

Сураггүй алга болсон малчныг эрэн хайх ажиллагаа Булган аймагт явагдаж байна.

Булган аймгийн Орхон сумын “Нарийн хайлааст” гэдэг газраас “Лэганс” загварын автомашинтай гараад сураггүй алга болсон 65 настай малчин Б /эрэгтэй/-гийн автомашиныг сумын төвөөс баруун хойд зүгт 20 км, аймгийн төвөөс баруун урд зүгт 27 км орших “Сээрийн гарам” гэдэг газраас шатсан байдалтай олжээ.

Малчин Б-г сураггүй алга болсон тухай дуудлагыг нэгдүгээр сарын 16-ны шөнийн 02:00 цагт хүлээн авсан тус аймгийн Онцгой байдлын газрын Эрэн хайх аврах салбарын алба хаагчид, цагдаагийн газрын 3 алба хаагч, ар гэрээс нь 6 иргэн нийт 13 хүн, 1 эрэлч нохой, 4 автомашинтай 02:16 цагаас эрэн хайх ажиллагааг эхлүүлсэн байна.

Эх сурвалж: ОБЕГ

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй