Лайам Хемсворт хэнтэй төрсөн өдрөө тэмдэглэв?
2020-01-16 11:57

Холливүүдийн од, австрали сайхан залуу, жүжигчин Лайам Хемсворт дуулиан шуугиант Майли Сайрусаас ноднин зун салаад удаан хугацаанд гоонь эр явж өөрийгөө зовоосонгүй. Өнгөрөгч оны сүүлээс түүнийг загвар өмсөгч Габриэлла Брүкстэй үерхэж эхэлсэн тухай мэдээллүүд хэвлэлүүдээр гарах болсныг манай сайт ч мэдээлж байсан.

Залуу хос зүгээр ч нэг уулзалдаж байгаа бус тэдний харьцаа шинэ түвшинд гарсан бололтой. Он солигдохын өмнөхөн жүжигчин залуу хайртай бүсгүйгээ эцэг, эхтэйгээ танилцуулсан байна. Лайамын ээж хүүгийнхээ найз бүсгүй Габриэллагийн гарыг халуун дотноор барин мэндчилж буй гэрэл зураг цахим ертөнцөөр хэдийнэ тарж шуугиан дэгдээгээд амжсаныг та бүхэн сонссон уу, мэдсэн үү?

Харин саяхан залуус Лайамын 30 насны төрсөн өдрийг тэмдэглэхийн ялдамд жаахан амрахаар төрөлх Австрали тив рүү нь хөлгийн жолоог залсан аж.

Байрон бэйн наран шарлагын газарт шинэхэн амрагууд хошуу амаа нийлүүлэн жигтэй, жогтой байгаа гэрэл зургуудыг нь орон нутгийн New Idea хэвлэл нийтэлжээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй