Хүний аминд хүрчихээд цогцсыг нь траншейнд нуужээ
2020-01-16 12:39

Хүний амь насыг хөнөөчихөөд траншейнд үлдээсэн хэргийг цагдаагийн байгууллага илрүүлсэн байна.

Тодруулбал, 2020 оны нэгдүгээр сарын 12-ны өдөр бусдад хутгалуулсан байдалтай нас барсан эрэгтэй хүний цогцос олджээ.

Цагдаагийн шуурхай утсанд Баянзүрх дүүргийн тавдугаар хороо, Монгол кинокомпанийн арын хашаанд байрлах траншейнд нас барсан хүн байна гэсэн мэдээллийн мөрөөр шалгалтын ажиллагаа явуулахад 56 настай эрэгтэй М нь гадны нөлөөтэй нас барсан байж болзошгүй нөхцөл байдал тогтоогдсон.

Улмаар шуурхай гүйцэтгэх ажиллагаа явуулснаар хохирогчийг хүзүүн тус газар нь хутгалж хэргээ нуун далдлах зорилгоор траншейнд хийж хэргийн газраас зугтсан байж болзошгүй нь тогтоогдсон аж. Иймд иргэн 42 настай М-ийг согтуурсан үедээ бусдын амь насыг хөнөөсөн байж болзошгүй гэх хэрэгт холбогдуулан, хорьж шалгаж эхэлжээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй