Овечкин онцгой амжилтын эзэн боллоо
2020-01-17 09:56

Хойд Америкийн Үндэсний хоккейн лигийн “Вашингтон Кэпиталс” багийн ахлагч Александр Овечкин “Нью Жерси Девилс”-тэй хийж буй тоглолтод (яг одоо хоёрдугаар үе явагдаж байгаа бөгөөд тооны харьцаа одоогоор 3:1) хоёр гоолыг өрсөлдөгчийнхөө хаалганд оруулаад байна.

Ингэснээр орос залуу Үндэсний хоккейн лигийн түүхэнд 15 улирал дараалан 30-аас багагүй гоол оруулсан гуравдахь тоглогч болж  байгаа юм. Түүнээс өмнө ийм амжилтыг Чехийн алдарт хоккейчин Яромир Ягр болон канад тоглогч Майк Гартнер нар л тогтоож байжээ.

Гэхдээ Овечкин нэг багийн өмсгөлтэйгээр ийм амжилтанд хүрсэн анхны тоглогч болж байгаагаар онцгойрч байгаа юм.

Энэ улирлын 48 тоглолтод оролцохдоо “Агуу” Александр 46 оноо (30 гоол + 16 гоолын дамжуулалт)-г аваад байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй