Сураггүй алга болсон малчин эсэн мэнд олджээ
2020-01-17 10:37

Сураггүй алга болсон малчныг эрэн хайх ажиллагаа Булган аймагт явагдаж байгаа тухай бид мэдээлсэн билээ.

Булган аймгийн Орхон сумын “Нарийн хайлааст” гэдэг газраас “Лэганс” загварын автомашинтай гараад сураггүй алга болсон 65 настай малчин Б /эрэгтэй/-гийн автомашиныг сумын төвөөс баруун хойд зүгт 20 км, аймгийн төвөөс баруун урд зүгт 27 км орших “Сээрийн гарам” гэдэг газраас шатсан байдалтай олжээ.

Малчин Б-г сураггүй алга болсон тухай дуудлагыг нэгдүгээр сарын 16-ны шөнийн 02:00 цагт хүлээн авсан тус аймгийн Онцгой байдлын газрын Эрэн хайх аврах салбарын алба хаагчид, цагдаагийн газрын 3 алба хаагч, ар гэрээс нь 6 иргэн нийт 13 хүн, 1 эрэлч нохой, 4 автомашинтай 02:16 цагаас эрэн хайх ажиллагааг эхлүүлсэн байна.

Харин мөн өдрийн 11:40 цагт түүний хүргэн Г тус аймгийн Онцгой байдлын газартай утсаар холбогдож, малчин Б-г “Өвөр шанд” гэдэг газар малчин Ч гэдэг айлд эсэн мэнд очсон байна гэж мэдэгдсэн тул эрэн хайх ажиллагааг зогсоожээ. 

Эх сурвалж: ОБЕГ

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй