Ер бусын өндөг ертөнцийг талцуулав
2020-01-18 10:01

Бразилийн фермер Раймундо Алюсено тахианыхаа тусламжтайгаар тив дэлхийд танил болжээ.

Саяхан түүний нэг тахиа ойлгомжгүй тэмдэгтүүд болон тоо бүхий өндөг гаргасан байна. Гайхаж балмагдсан тариачин эр хөршүүддээ дуулгаснаар өвөрмөц өндөгний тухай цуу яриа хэрэгт дуртай сэтгүүлчдийн сонорт хүрч, Раймундогийн ферм рүү төвийн хэвлэлийнхэн цувах болжээ.

Нууцлаг өндөгний гэрэл зураг, бичлэг ч удаж төдөлгүй цахим ертөнцийн “од” болж гайхширсан хүмүүс олон янзын таамаг дэвшүүлсэн сэтгэгдлийг ихээр бичиж байгаа гэнэ.

Сүртэй юм биш, зүгээр л өндөгний пигментэд гарсан өөрчлөлтөөс л болоо биз гэх нэгэн байхад нөгөө ертөнц, харь гарагийнхны хийсэн зүйл хэмээн барин тавин батлах нэгэн ч байх аж. Зарим нэгэн сүсэг бишрэлтэй нөхдүүд өндгөн дээр ертөнцийн сүйрлийн огноог “сийлж” хэмээн мэдэмхийрээд амжжээ. 

Харин та юу гэж бодож байна?

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй