Тайчигчид “хүч хэрэглэн” мөнгийг нь “сэгсэрчээ”
2020-01-20 09:46

Их Британийн Саутхэмптон хотын For Your Eyes Only тайчих клубын бүжигчид үйлчлүүлэгчдээ “хүч хэрэглэн” 33 мянган фунт стерлингийг нь “сэгсэрсэн” хэргийг цагдаагийн алба хаагчид шалгаж эхэлжээ.

Мөрдөн байцаагчдын таамаглаж буйгаар, хохирогч бусдын эрхшээлд найман цаг гаруй хугацаанд байсан гэнэ. Үүрийн 4.25 цагт тус клубын хаалгаар орж ирсэн “сайн эр” тус газрыг хаасны дараа бүр үд дунд гарч явсан байна. Хохирогчийг шунахайн сэдлээр албаар согтоож гар утсыг нь ашиглан клубын болон нэгэн тайчигчийн данс руу их хэмжээний мөнгийг хуваан шилжүүлсэн гэмт хэрэгт тэднийг сэжиглэн шалгаж эхэлжээ.

Гэрчүүдийн өгүүлж буйгаар, хохирогч бага зэргийн согтолттой л тус газарт анхлан орж ирсэн байна. Мөн үйлчлүүлэгч мөнгөө хэрхэн шилжүүлсэнээ огт санахгүй байгаа гэнэ. Цагдаагийн байгууллага хэрэг явдлын учиг тайлагдтал тайчих клубыг түр хугацаагаар хаажээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
  • Их уншсан
  • Их сэтгэгдэлтэй