Орхон голын мөсөнд автомашинтайгаа цөмөрсөн хүмүүсийг аварчээ
2020-01-20 10:03

Орхон голын мөсөнд автомашинтайгаа цөмөрч суусан хүмүүсийг тус аймгийн Онцгой байдлын газрын алба хаагчид аварчээ.

Өвөрхангай аймгийн Хархорин сумын Орхон багийн “Их нарийн” гэдэг газар /сумын төвөөс баруун хойд зүгт 15 км/ Иргэн С-ын “Ниссан Марч” загварын суудлын автомашин Орхон голын мөсөнд цөмөрч орсон тухай дуудлагыг нэгдүгээр сарын 19-ний шөнийн 22:20 цагт хүлээн авсан байна.

Дуудлагын дагуу тус аймгийн Онцгой байдлын газрын Гал түймэр унтраах, аврах 45 дугаар ангийн алба хаагчид 15 км замыг туулан 23:21 цагт очин цаг гаруй ажиллаж, 1 том хүн, 3 хүүхэд зорчиж явсан тус автомашиныг голын мөснөөс гаргаж, зорчигчдыг осгох аюулаас аварчээ.

Эх сурвалж: ОБЕГ

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
  • Их уншсан
  • Их сэтгэгдэлтэй