Елизабет хотхоны хогийн цэг эрүүл ахуйн шаардлага хангахгүй байна
2020-01-21 11:21

Иргэнээс ирүүлсэн гомдлын дагуу Баянзүрх дүүргийн 26 дугаар хорооны нутаг дэвсгэрт байрлах Сэнтури Лэнд марк ХХК-ийн Елизабет хотхоны хогийн цэгийн байдалд хяналт шалгалт хийжээ.

Шалгалтаар тус компани нь Елизабет хотхоны орон сууцны хог хаягдлын цэгийг эрүүл ахуйн нөхцөл, шаардлагын дагуу байгуулж ашиглаагүй, хогийн сав нь зориулалтын бус, хог хаягдлыг түр хадгалах нөхцөлийг бүрдүүлээгүй, ил задгай хог хаягдал ихтэй байсан зэрэг зөрчлүүд илэрсэн тул холбогдох хууль тогтоомжийн хэрэгжилтийг хангуулах тухай улсын /ахлах/ байцаагчийн хамтарсан албан шаардлага хүргүүлсэн байна.

Албан шаардлагын хэрэгжилтэд гүйцэтгэлийн хяналт шалгалт хийхэд төрийн албан хаагчийн тавьсан хууль ёсны шаардлагыг биелүүлээгүй байсан тул Монгол Улсын Зөрчлийн тухай хуулийн дагуу торгууль ноогдуулж, зөрчлийг арилгуулахаар эрх бүхий албан тушаалтны албан даалгавар хүргүүлж биелэлтэд хяналт тавин ажиллаж байгаа аж.

Эх сурвалж: НМХГ

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй