Ирээдүйн худууд дурлалцаж, хүүхдүүдийнхээ хуримыг үймүүлэв
2020-01-23 09:35

Сүйт хархүүгийн аав сүйт бүсгүйн эхийн хамт оргосноос болж, залуу хос хуримаа хойшлуулахаас өөр аргагүй байдалд орсон хошин ч гэмээр хэрэг явдал Энэтхэгийн Гужарат мужийн Сурат хотод гарчээ.

Хэргийн эзэд залуу зандан насандаа айл хөрш байсан төдийгүй хэсэг хугацаанд үерхэж байсан аж. Тэднийг хамтдаа оргон зайлахын өмнөхөн бүсгүйн эцэг, эх охиноо очир эрдэнийн наймаачин баян эрд богтолж өгснөөс болж тэдний төлөвлөгөө бүтэлгүйтэж байсан юмсанж.

Хоёрдугаар сарын дундуур товлогдсон хүүхдүүдийнхээ хуримнаас сарын өмнө 48 настай бизнесмэн эр, 46 настай гэрийн эзэгтэйн хамт сураггүй алга болжээ. Тэднийг өөрсдөдөө хоёрдахь боломжийг өгч, хамтдаа амьдрахын төлөө нууцаар оргон зайлсан гэж ойр дотны хүмүүс нь үзэж байгаа аж.

Тэднийг хамгийн сүүлд нэгдүгээр сарын 10-нд харсан бөгөөд “дурламтгай худууд”-ын гэр бүлийнхэн цагдаад мэдэгдсэн байна.

Хамгийн гол нь хуримаа хийх гэж байсан хүүхдүүд нь эвгүй байдалд орсон бөгөөд оргодол эцэг, эхийнхээ сургийг гаргаж байж л гэрлэх ёслолоо хийхээр тохирсон гэнэ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй