Оршуулгын газраас өөрийнхөө шарилыг олжээ
2020-01-24 09:30

Салсан эхнэр нь өөрөөс нь асууж лавлалгүйгээр оршуулгын газарт шарилын чулууг нь тавьсан хэрэг Шотландын Ангус тойргийн Форфар хотод гарчээ.

75 настай Алан Хэттел (Alan Hattel) хотынхоо оршуулгын газарт өөрийнх нь нэр, овог бүхий шарилын чулуу байхыг олоод найз нөхөд нь сүүлийн хэдэн сарын турш өөртэй нь утсаар ярьж, уулзалдахаа байсны учгийг тайлсан байна. Үнэн учрыг нь уншигч авхай та бүхэн ч ойлгосон байх, түүнийг найз нөхөд нь бурхны оронд заларсан хэмээн бодож байжээ.

Шарилын чулууг 26 жилийн тэртээ гэрлэлтээ цуцлуулсан эхнэр нь байршуулсан гэж “талийгаач” таамаглаж байгаа юм. Учир нь түүний шарил дээр мөн л өдгөө амьд сэрүүн байгаа салсан эхнэрийнх нь нэр сийлээтэй байх аж. Экс эхнэр нь оршуулгын газарт талбай худалдан авч өөрсдийг нь хамт нутаглуулахыг хүссэн байх хэмээн Хэттел “харджээ”.

Гэхдээ шотланд эр салсан эхнэртэйгээ нэг газарт мөнх нойрсох тухай “сонсох”-ыг ч хүсэхгүй байгаа юм. “Намайг энэ газарт хөдөөлүүлэхийг гэж би хүсэхгүй байна. Намайг таалал төгсөхөөр цогцсыг маань чандарлахыг би хүсч байгаа” хэмээн Алан ярьжээ.

Сэтгүүлчид эхнэрээс нь уг хэрэг явдлын талаар тодруулга авахыг хүссэн ч тэрбээр эрс татгалзсан байна.
 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй